Il-Parroċċa ta’ San Ġorġ dejjem tagħmel minn kollox biex taqdi bl-aħjar mod possibli. Għalhekk, għal iktar ċarezza qed jinħarġu dawn il-linji gwida dwar il-bookings tal-intenzjonijiet tal-quddies.
- Il-bookings għas-sena 2024 jiftaħ il-Ħadd 3 ta’ Settembru 2023. L-Uffiċċju Parrokkjali dakinhar ikun miftuħ mit-8.30am sal-11.00am. Imbagħad fil-ġranet l-oħra jkompli bil-ħinijiet normali.
- Il-quddies jiġi bbukkjat biss fl-Uffiċċju Parrokkjali. Mhux se jinżammu bookings minn sena għal oħra.
- Ġurnata quddies tinkludi l-quddies kollu barra dawk tal-5.30pm u tas-7.00pm.
- Il-quddies tal-5.30pm u tas-7.00pm jistgħu jiġu bbukkjati biss minn xahar qabel dik id-data biex hekk nagħtu opportunita’ lil min imutlu xi ħadd biex jagħmel quddiesa fil-qrib.
- Il-ħlas tal-quddies isir mal-booking.
- F’każ li xi quddiesa ma ssirx minħabba raġunijiet ta’ funeral jew sagramenti oħra, il-Parroċċa tobbliga ruħha li din issir ħin ieħor jew tingħata li xi saċerdot biex jagħmilha.
- Se jintalbu d-dettalji ta’ min għamel l-intenzjoni biex jekk jinqala’ xi bżonn li tinbidel xi intenzjoni minbarra l-każ ta’ funeral, membri tal-Uffiċċju Parrokkjali jkunu jistgħu jinfurmawh/a.
Nifhmu li din hi xi proċedura ġdida. Għalhekk min ikollu xi diffikulta’ jew bżonn jiċċara xi ħaġa, jikkuntattja l-Uffiċċju Parrokkjali.
Grazzi tal-kooperazzjoni.