Mis-sema fiddien tal-Kappadoċja feġġet tiddi
stilla ta’ ġmiel bl-isem ta’ Ġorġ.
U ferħet id-dinja għalenija b’din il-bxara –
tama u qawwa u sliem f’kull żmien.
Xterdet b’ħeffa u ġriet b’imħabba kbira
dik il-kelma li tferraħ qalb l-Għawdxin:
“San Ġorġ, San Ġorġ, insellmu ’l-kampjun tal-qaddisin;
San Ġorġ, San Ġorġ, ħarisna u ħudna ħdejk fis-sliem”.
Mill-ġnejna ta’ qalbna naqtgħu fjur ifuħ li jixhed
biss imħabbitna lejn San Ġorġ.
Ejjew f’dan il-jum ta’ festa kbira ngħannu ’l Ġorġi
innu ta’ ġieħ u ta’ tifħir.
Xterdet b’ħeffa…