Georgi Miles Inclite
Georgi miles inclyte
et martyrum fortissime,
clarus avito sanguine
sed sanctitate clarior.
O noster vindex insulam
quæ te patronum prædicat,
defende, vota supplicum
exaudi, et nobis subveni.
Terrena cuncta despicis
honores decus, gloriam
cœlumque spectans indigis
grandes thesauros erogas.
O noster vindex…
Tu sancto amore saucius
pro Christi fide dimicans,
crucis vexillo perfidum,
regem stravisti cæsarem.
O noster vindex…
Non minæ ac preces commovent
nec terrent rotæ aut verbera
sprevisti sævas ultimæ
crudelitatis machinas.
O noster vindex…
O dulcis Christi caritas
quam fortis es et valida,
per te subactis hostibus
triumphat nunc Georgius.
O noster vindex…
Dato tortori capite
pulchram pro Jesu nomine,
oppetiit mortem, spiritus
victor ascendit sidera.
O noster vindex…
O Heros invictissime
nos te vocantes adjuva,
et contra fraudes hostium
virtutem nobis impetra.
O noster vindex…
Sic Trinitati gloria
quæ coronavit inclytum
summo honore Georgium
laus sit per omne sæculum. Amen.