Fil-vini ta’ ġisimna demmna jbaqbaq
għalik, o kbir San Ġorġ, mimmi t’għajnejna.
Int taf li tul iż-żmien (x2)
afdajna fik u b’fidi f’riġlejk ġejna.
Għax bejna u bejnek, Ġorġi, hemm x’jgħaqqadna
u jżommna marbutin f’rabta ta’ mħabba.
Din ruħna mxennqa għalik (x2)
u ebda għelt ma lilna ser iżomm.
Il-lum, San Ġorġ, ma’ ħutna,
f’dil-festa kbira tiegħek,
irridu li tmexxina (x2)
bil-qawwa minn ta’ driegħek.
Int taf li lilek għandna
biex tħobbna f’din il-ħajja,
tħarisna w tindukrana (x2)
sa ma jintemm iż-żmien.
Kemm sbejjaħ ilmaħniek, o Ġorġi tagħna,
xħin ħassejniek, imħeġġa, fil-qrib sewwa,
u lkoll, b’leħinna ’l fuq, (x2)
mimlija ferħ, xtaqniek li tibqa’ magħna.
Fil-Ġenna żgur int isbaħ ser insibu
u b’dak il-wiċċ ħamran, ħaddejk irżina,
hemmhekk fil-ġmiel u s-sebħ (x2)
int lilna tieħu ħdejk bla telf ta’ żmien.
Il-lum, San Ġorġ, ma’ ħutna…