Il-lum il-Ħadd, bejn it-8.00am u s-1.00pm, qed isir ġbir ta’ demm miċ-Ċentru ta’ l-Għoti tad-Demm fl-Isptar Ġenerali ta’ Għawdex.
Għada t-Tnejn jiġi mfakkar it-52 anniversarju minn meta l-knisja parrokkjali ta’ San Ġorġ ġiet mgħollija għall-ġieħ ta’ bażilika, b’digriet tal-Papa Piju XII, fl-1958. Fis-6.00pm, konċelebrazzjoni solenni u kant tat-Te Deum.
Nhar l-Erbgħa l-Knisja tiċċelebra l-festa tat-Twelid tal-Verġni Mqaddsa Marija: il-Bambina. Fis-6.00pm, Quddiesa bl-omelija fuq il-Verġni Mbierka.
Nhar il-Ġimgħa 24 ta’ Settembru, fit-8.00pm, fuq il-bejt taċ-ċentru parrokkjali, sa jiġi organizzat Pasta Night b’riżq il-parroċċa. Din tkun l-aħħar attività tas-Sajf qabel tibda sena pastorali ġdida. Il-biljetti għall-kbar jiswew €10, waqt li għat-tfal (taħt il-ħdax-il sena) jiswew €8, u jinkisbu mill-uffiċċju parrokkjali. Min jattendi jkun jgħin lill-parroċċa fil-ħidma pastorali tagħha ma’ wliedna!
Il-Fondazzjoni Belt Victoria tħabbar li qed tissokta bil-bini tal-mużew storiku u ċentru kulturali fil-proġett Il-Ħaġar: The Making of a People, parzjalment iffinanzjat mill-fondi ta’ l-Unjoni Ewropea. Min jixtieq ikun benefattur ta’ dan il-proġett kbir jista’ jikkuntattja lil xi membru tal-Fondazzjoni u jagħmel donazzjoni fl-iskema €150 agħmilhom elf u hekk ikun jissieħeb għal għomru fl-istess fondazzjoni.
